Mise
Colm Ó Gaora
ISBN 9781857917383
An Gúm 2008
277 lth.
Tá an saothar seo ar na leabhair is cáiliúla dár scríobhadh i nGaeilge faoi aimsir
Chogadh na Saoirse. In 1943 a foilsíodh a chéad uair é agus cuireadh eagrán nua
amach in 1969. Tá an t-eagrán sin á chur ar fáil arís anois tar éis dó a bheith as cló le
fada.
Téacs soiléir inspéise atá ann ina rianaíonn an t-údar a shaol mar bhall de
Bhráithreachas na Poblachta agus mar Óglach agus na heachtraí a raibh sé páirteach
iontu le linn Chogadh na Saoirse i gConamara agus in áiteanna eile chomh maith leis na
sealanna a thug sé i ngéibheann. Tá cur síos ann freisin ar dhálaí maireachtála agus
sóisialta mhuintir Chonamara i dtosach an fichiú haois agus ar an obair a rinne sé mar
thimire do Chonradh na Gaeilge.
I nglan-Ghaeilge shaibhir atá an téacs scríofa. I Ros Muc a rugadh Colm Ó Gaora sa
bhliain 1887 agus cailleadh é in 1954.
One of the best known accounts in the Irish language about the War of Independence. The author recounts his experiences as a member of the IRB and the Irish Volunteers and goes on to describe events in Conamara in which he took part during the War of Independence.
In addition he also provides an account of the social and living conditons of the people of Conamara in the early years of the twentieth century.
Panu Petteri Höglund –
Is dócha gurb é “Mise” an ceann is suimiúla de na dírbheathaisnéisí Gaeltachta ar fad. Tá Ros Muc ar na háiteanna is mó Gaeilge i gCúige Chonnacht inniu féin, agus mar sin, tá an leabhar seo scríofa i nglan-Ghaeilge nádúrtha. Tugann an leabhar cur síos ar imeachtaí saoil an scríbhneora a bhí ina thimire agus ina mhúinteoir taistil do Chonradh na Gaeilge agus, níos deireanaí, ina chime i bpríosún na nGall, nuair a bhí cath na saoirse á chur in Éirinn. Súil ghéar atá ann fosta ar na coimhlintí sóisialta faoin tuath i dtús na fichiú haoise, rud a gcuirfeadh staraí dáiríre suim ann (nó…”rud a gcuirfeadh staraí dáiríre suim agus suiméad ann”, le ceann de na teilgeanacha cainte is ansa leis an scríbhneoir a úsáid).