Ruball an Éin

€10.00

Ruball an Éin
Antain Mac Lochlainn
ISBN 1902420993
Cló Iar-Chonnachta 2005

Dúshlán na ndúshlán é saothar duine eile a chríochnú. Ní mór samhlaíocht bheoga chuige sin, fara dáine agus umhlaíocht. Tá na tréithe sin go láidir ag Antain Mac Lochlainn. Ba dhóigh leat air go bhfuil Seosamh Mac Grianna sealbhaithe go hiomlán aige ionas nach mbeadh aon amhras ort na gurb i seo an chríoch a chuirfí ar an úrscéal an chéad la dá leanfadh an t-údar leis. Ní hamháin go bhfuil Dá mBíodh Ruball ar an Éan slogtha ag Mac Lochlainn, ach tá meabhair agus meon agus stíl Mhic Grianna, leis. Ball aonuamach den bhunsaothar é seo a leanann loighic an scéil siar amach go deireadh. Is ann atá na smaointe borba céanna, an neamhspleáchas intinne, an seanbhlas, an gliceas agus na habairtí slána, cruinne a raibh Mac Grianna ina mháistir orthu.

Ina theannta sin, tá doircheacht na cathrach agus bréige an healaíne agus amhras na polaitíochta, chomh maith le scata carachtar nár mhaith leat an iomad ama a chaitheamh leo ach amháin ar leathanaigh an scéil seo. Gabhtar ‘taobh thiar den aghaidh fidil’, agus nochtar an fírinní searbha sin arbh i mian Mhic Grianna riamh iad a chur os ard.