Ar an gCoigríoch
Díolaim Litríochta ar Scéal na hImirce
Aisling Ni Dhonnchadha agus
Máirín Nic Eoin a roghnaigh.
ISBN 9781905560257
Cló Iar-Chonnachta 2008
455 lth.
Cinniúint thragóideach nó cinneadh dóchasach? Díbirt dhosheachanta nó fuascailt ón daoirse? Is iomaí dearcadh a léiríodh ar an imirce Éireannach thar na blianta, agus is éard atá sa leabhar seo ná díolaim ilghnéitheach a léiríonn mórshaibhreas litríocht na Gaeilge mar shainfhoinse eolais agus tuisceana ar scéal na himirce ó aimsir an Ghorta I leith.
Tá na scéalta pearsanta mbeifeá ag súil leo anseo – scéalta Mhicí Mhic Gabhann agus Dhónaill Mhic Amhlaigh, ach tá, chomh maith leis sin, léirithe dírbheathaisnéiseacha agus ficseanúla ó raidhse údar eile, Pádraic Ó Conaire, Séamus Ó Grianna agus Máirtín Ó Cadhain ina measc.
Is é mórluach an leabhair ná an chaoi a dtugann sé insintí éagsúla le chéile chun ilghnéitheacht scéal na himirce a léiriú trí shúile phobal na Gaeilge agus na Gaeltachta. Chomh maith leis an ábhar féin, tá réamhrá léirmhínitheach na ndíolamóirí, réamhaiste staire le Pádraig Ó Treabhair agus liosta luachmhar foinsí agus ábhar tagartha.
In this book there are tracts from books that various authors have written about Irish Immigration down through the years. You will find tracts from Micí Mac Gabhann, Dónal Mac Amhlaigh, Pádraig Ó Conaire, Seamus Ó Grianna, and Máirtín Ó Cadhain as well as an introduction written by Pádraig Ó Treabhair and a valuable list of sources and reference material.
Is Léachtóir Sinsearach I Roinn na Nua-Ghaeilge in Ollscoil na hÉireann, Maigh Nuad, í Aisling Ni Dhonnchadha.
Tá Máirín Nic Eoin ina Ceann Roinne ar Roinn na Gaeilge i gColáiste Phádraig, Droim Conrach.
Is scoláirí litríochta iad beirt, a bhfuil saothair bhunúla chritice foilsithe acu ar ghnéithe éagsúla de nualitríocht na Gaeilge.
Reviews
There are no reviews yet.