Gonta croí, gonta anama, gonta coirp. Gonta a spreagann gníomhartha díoltais – agus dóchais. Cnuasach de 13 ghearrscéal a thaispeánann gonta mhuintir Bahia, sa Bhrasaíl. Beirt dhéagóir ag surfáil ar dhíon bus, máthair shingil atá ag iarraidh na cailíní i rang a mic a chosaint óna cinniúint féin, rí thionscal na tógála ag impí maithiúnais ar bhochtán gan chosa – níl ansin ach cuid de na Baianos a chasfar ar an léitheoir sa chnuasach seo.
Dar le hAlex, is é Gonta an saothar is duairce dár scríobh sé riamh. “Tá scéalta sa chnuasach a bhaineann siar asam féin gach uair dá léim iad. Díreach ar an gcúis sin, áfach, is é ‘Gonta’ an ceann is gaire do mo chroí den trí leabhar atá scríofa agam go dtí seo. Mothaím uaim na carachtair ar fad; chaith mé go leor leor ama ina gcuideachta agus d’fhoghlaim mé an t-uafás uathu. Mothaím gur thóg mé céim mhór chun tosaigh mar scríbhneoir agus mé ag obair ar an gcnuasach seo, céim nach bhféadfainn a thógáil gan iad.”
Gonta – Wounds. Wounds of the heart, the soul, the body. Wounds that cause acts of revenge – and hope. This collection of short stories speaks of the wounds of the people of Bahia, Brazil. Two slum boys surfing a bus, a single mother trying to protect the girls in her teenage son’s class from her own fate and a big shot developer begging an amputee for forgiveness – these are just some of the Baianos the reader will meet in Gonta.
<–>
<–>
<–>
<–>
<–>
Cúnamh Litríocht.com –
Is bailiúchán de 13 ghearrscéal é seo ón scríbhneoir Alex Hijmans a bhí foilsithe ag Cois Life anuraidh.
Tá na scéalta ar fad lonnaithe sa Bhrasaíl agus dírithe ar mhuintir Bahia. Tugann Hijmans aghaidh ar eachtraí uirbeacha éagsúla agus baineann sé geit as an léitheoir leis an fhoréigean a chastar ar a chuid carachtar.
Tá meascán mór ábhair i gceist sna scéalta: Beirt dhéagóir ag surfáil ar dhíon bus, máthair shingil atá ag iarraidh na cailíní i rang a mic a chosaint óna cinniúint féin, rí thionscal na tógála ag impí maithiúnais ar bhochtán gan chosa – an-chuid téamaí á phlé ag an údar sa leabhar seo.
Is fiú triail a bhaint as na scéalta mar is cinnte go mbainfidh gach éinne a mbrí féin astu.
Seo leabhar do dhaoine le suim láidir acu sa léitheoireacht.