Rian Mo Chos ar Ghaineamh An tSaoil

Description

Rian Mo Chos ar Ghaineamh An tSaoil
Tony Bromell
ISBN 19055600404
Cló Iar-Chonnachta 2006

Luimníoch é Tony Bromell, fear a bhfuil cuid mhór den chreidiúint ag dul dó as an gcathair bhríomhar, fhorásach atá againn sa lá atá inniu ann. Sna cuimhní cinn seo, déanann sé cur síos ar a óige i nGeata Tuamhumhan agus a thréimhse leis na Bráithre Críostaí i Sráid Seasnáin, mar dhalta agus mar mhúinteoir. Pléann sé a shaol le Luimníoch aitheanta eile, Áine Ní Thuathaigh, agus a bás tragóideach, anabaí.
Sa leabhar seo, leis, pléitear fás agus forbairt Choláiste Mhuire gan Smál ó na seascaidí ar aghaidh, an feachtas rathúil chun ollscoil a lonnú i Luimneach agus an dúshlán ab éigean a thabhairt nuair a bhí an baol ann go slogfaí an coláiste ina iomláine.
Sméar mhullaigh an leabhair is ea an cur síos ar a shaol polaitiúil: chaith sé seacht mbliana déag ar Chomhairle Chathair Luimnigh; bhí sé ina Mhéara ar Luimneach i 1982-3; fiú chaith sé tréimhse ar Sheanad Éireann. Cur síos fuinniúil, spleodrach é seo ar shaol duine de chathróirí móra Luimnigh.