Litríocht na Gaeilge ar Fud an Domhain: Imleabhar 2

Description

Ríona Nic Congáil, Máirín Nic Eoin, Meidhbhín Ní Úrdail, Pádraig Ó Liatháin agus Regina Uí Chollatáin: Eagarthóirí

Critic, Cultúr agus Comhthéacs Comhaimseartha.

Leabhair Comhar 2016

ISBN 9780992731342

Lth/Pgs 379

Ba é Pádraig Mac Piarais a chéadfhógair tábhacht na hiasachta do nualitríocht na Gaeilge nuair a dúirt sé: ‘Irish literature, if it is to live and grow, must get into contact on the one hand with its own past and on the other with the mind of contemporary Europe’. Ní beag an chomaoin atá curtha ag litríocht na hEorpa, agus go deimhin ag litríocht an domhain mhóir, ar shaothar scríbhneoirí na Gaeilge ó shin i leith. Feicfear san imleabhar seo, a bhaineann le saothair a cumadh ó aimsir na hathbheochana anuas go dtí ár linn féin, go bhfuil dhá mhórghné le haithint: nualitríocht na Gaeilge mar chuid de ghluaiseacht ilteangach iltoiseach idirnáisiúnta an nua-aoiseachais; agus scríbhneoireacht na Gaeilge mar léiriú ar na teagmhálacha cultúir agus teanga a tharlaíonn i gcomhthéacs na himirce agus an taistil.

Spreagfaidh raon an ábhair sa leabhar seo machnamh as an nua ar litríocht na Gaeilge ina comhthéacsanna idirnáisiúnta.