Comhtháthú Abú!

Anseo in éindí – don Dalta, don Oide, don Taitneamh, don Fhoghlaim – ó pheann an Údair féin, mar aon le téacsanna na scéalta ‘Punk’ agus ‘Na Bradmharcaigh’, tá an dráma ‘Gan Choinne’, ar leagan drámatúil é den scéal ‘Punk’. Tá ‘Nótaí don Dalta agus don Oide’ araon ar struchtúir, charachtracht agus phlotaí na scéalta scríofa anseo ag an Laighléiseach. Anuas air sin, tá ‘Nótaí Comparáideacha’ ann idir an scéal Punk agus an leagan drámatúil den scéal, ‘Gan Choinne’. Chomh maith leis sin, tá Leathanaigh Nodaireachta don Dalta ar aghaidh gach leathanach de théacs an dráma a éascaíonn breacadh nótaí ar charachtracht, ar phlota agus ar fhoclóir. Agus, mar bharr air sin uile, tá ‘Gníomhartha Comhtháthaithe Dúshlánacha don Dalta’ a dhéanfaidh a spéis a mhúscailt agus an meon a shíneadh ar bhealach atá ciallmhar taitneamhach.

​Ábhar ardaitheanta atá spéisiúil agus dúshlánach agus, thar aon ní eile, taitneamhach. Comhtháthú, mar is cuí – mar atá tuillte ag an Oide agus an Dalta araon.

É sin uile ón scríbhneoir, oideachasóir, múinteoir, Ré Ó Laighléis