Tadhg Ó Rodaighe: An Scolaidhe Tréitheach(agus a Mhuintir)

€20,00

Seosamh Mac Muirí

Coiscéim 2014

ISBN 6660012140527

Lth/Pgs 434

Saothar é seo a chuimsíonn mioneolas ar na lámhscríbhinní, ar fhilíocht agus ar an ‘gcuideachta dhéanach’ a bhain le Tadhg Ó Rodaighe(1706) agus lena scoil filíochta i mBréifne Uí Ruairc in am Chath na Bóinne. Mhair Tadhg trí ré na plándála, Éirí Amach Uladh 1641 agus tríd an ‘titim ó chion’ agus tús na Géarleanúna. Chnusaigh Ó Rodaighe an draoi lámhscríbhinní tábhachtacha chuige féin. Tharrtaigh sé, in éineacht leis na fílí, fílí nár fhág fuíoll molta air féin, friotal, filíocht agus gluaiseanna a bhí sách eisceachtúil lena linn. Léirigh an scoil chéanna dúil mhór sna fhilíocht shiollach agus d’fhágadar duanta breátha againn ina ndiaidh. Scagadh is cíoradh sa leabhar seo na duanta a mhol ceann na scoile sin, Tadhg, ina ndéanamh is ina n-ábhair agus soláthraíodh aistriúcháin leo a chuideos le lucht a léite.