Jude / Gaeilgeoir Deireanach Charna / Incubus
Trí Dhrama ón Taibhdhearc
Jude – Micheál Ó Conghaile
Gaeilgeoir Deireanach Charna – Breandán Ó hEaghra
Incubus – Caitríona Ní Chonaola
ISBN 1905560133
Cló Iar-Chonnachta 2007
Jude is teideal do dhráma nua le Micheál Ó Conghaile, a dhíríonn ar Jude, bean láidir, stuama nach léir mórán taise a bheith ag baint léi. Imríonn sí cos ar bolg ar a muintir, rud a fhágann go bhfuil a caidreamh lena máthair, lena fear céile agus lena hiníon ar an bhfaraor géar. Tá a saol caite aici ag stracadh ar son chearta na mban agus is é a saol baile atá thíos leis, ach is léir go bhfuil rún dorcha ag Jude atá á gríosadh chun gnímh, ualach trom atá á iompar aici le blianta fada. Faightear léargas ríspéisiúil sa dráma ar chaidreamh clainne agus ar chumhacht mhillteach na ceilte. Léirítear sainscileanna an drámadóra sna carachtair agus sna radharcanna inchreidte atá cruthaithe aige, scileanna a tháinig chun solais i gcéaduair ina dhráma Cúigear Chonamara. I léirmheas san Irish Theatre Magazine ar an dráma sin dúradh: ‘Is léir go bhfuil luí ar leith ag Micheál Ó Conghaile leis an drámaíocht agus is nádúrtha fós a chuid scríbhneoireachta don stáitse ná a chuid scríbhneoireachta don phár'
Gaeilgeoir Deireanach Charna is teideal don chéad dráma ó pheann Bhreandáin Uí Eaghra, agus is léir uaidh go bhfuil drámadóir cumasach nua inár measc. Is é Tommy Gaeilgeoir deireanach Charna agus é ag súil le cuairt ó Aire na Gaeltachta a bhronnfaidh gradam speisialta air. Iomaíocht ghéar atá i ndán do Tommy, áfach, nuair a shoilsítear dúinn go bhfuil an dallamullóg curtha aige ar an bpobal, agus scata carachtar greannmhar, trodach ag cur leis an aicsean!
Incubus le Caitríona Ní Chonaola is teideal don tríú dráma, suite in ospidéal síciatrach. Is í Róisín an carachtar aonarach sa dráma seo, cailín óg atá éadóchasach, í céasta ag tromluithe agus ag strachailt lena cuid fadhbanna intinne. Thug an Irish Times ardmholadh don dráma agus don drámadóir nuair a léiríodh é.
Jude by Micheál Ó Conghaile centres on a dysfunctional family with Jude as the main character, a mother and wife who exhibits little warmth or compassion. She tyrannizes her family, and her relationships with her husband, mother and daughter are all at breaking point. Her life has been spent campaigning for women's rights to the detriment of her home life but it slowly becomes apparent that this fervor stems from a dark secret that Jude has carried for many years. The play is a compelling exploration of the dynamics of family relations and the destructiveness of secrecy. It is testament to the playwright's ability to create plausible characters and scenarios which first came to light in his first play, Cúigear Chonamara, described by The Irish Times as ‘a thought-provoking and stylistic play by a writer at the height of his powers'
Gaeilgeoir Deireanach Charna is Breandán Ó hEaghra's first play, and reveals a budding new talent in Irish theatre. Tommy is the last Irish-speaker in Carna and he is expecting a visit from the Minister for the Gaeltacht, who will present him with a medal honouring his status. Bitter rivalry ensues, however, when it becomes clear that he may not in fact have legitimate claim to the status of last Irish-speaker, and a group of unusual characters brings humour and uproar to the plot!
Incubus is a powerful play by Caitríona Ní Chonaola, set in a psychiatric hospital. Róisín, the play's only character, is a tortured and despairing soul who is terrorized by nightmares. In a review in The Irish Times the play was described as ‘both intimate and harrowing. … Ní Chonaola has shown enough talent to mark her out as one to watch in the future'
Reviews
There are no reviews yet.