Baill Seirce

1 review for Baill Seirce

1. 

   Rated 5 out of 5

   Garry Bannister – September 13, 2004

   File an-tábhachtach do lucht léite filíochta nua-aimseartha na Gaeilge is ea Colette Nic Aodha. Bíonn fairsinge de théamaí uilíocha á léiriú aici ina cuid dánta agus amhail Ó Leocháin, bíonn úire, gontacht agus draíocht neamhchoitianta ag baint lena friotal fileata fiáin. Éiríonn le Nic Aodha áilleacht a heispearais phearsanta a tharraingt dúinne le leathfhocal nó le leid bheag as a n-athchruthaíonn sí cruinne nua aoibhinn lán den íomháineachas cumasach.

   Is é bua breá builleach an fhile seo gur féidir léi an léitheoir a mhealladh gan aon dua ar bhóthar mothaitheach go doimhne dhiamhair a hanama inmheánaigh chuig iontais a tuisceana fileata, agus an fhírinne phearsanta a nochtadh i dteanga shimplí shothuighte gan aon cur i gcéill.

   Tá cnuasach eile dá dánta ‘Faoi Chrann Cnó Capaill’ (2000, Coiscéim) agus chonacthas le déanaí an teideal-dán aistrithe go Béarla ag Geofrey Sheil:

   A blanket of honeysuckle,
   Under the magic of green branches,
   Saturated with the summer’s sweetness,
   Glowing with Gold.
   Leaves falling to the ground,
   Discarded on the stones,
   hiding the footpath;
   With a scent that would
   Enrapture a saint.

   Under the chestnut tree,
   I hear an echo of ages.
   In my school days
   Coming home,
   I tasted the beauty of the country
   In the smell of the honeysuckle,
   And in the centre of the flowers
   That lit my path home.

   Mura bhfuil cnuasach ar bith de dhánta an fhile chumasaigh, threithiúil seo faoi láimh agat ar do sheilf leabhar, ba chóir go mbeadh!